Zemaj: Jam i gatshëm të raportoj për gjendjen e pandemisë, në vend

Në mungesë të kourumit sot ka dështuar raportimi i ministrit së Shëndetësisë, Armend Zemaj, në Komisionin për shëndetësi, shkruan IndeksOnline.

Zemaj tha se ai është i gatshëm që të bëjë prezantimin e gjendjes dhe t’u përgjigjej pyetjeve në komision.

Po ashtu, ai kërkoi bashkëpunim nga kolegët në të mirë të shëndetit.

Postimi:

Të nderuar deputetë, anëtarë të Komisionit për shëndetësi,

Ftesës duaj për raportim, iu përgjigja sot, duke qenë i gatshëm ta bëj prezantimin e gjendjes dhe t’u përgjigjem pyetjeve tuaja.

Në mungesë të kuorumit, raportimi nuk u zhvillua.

Edhe sot dhe çdo ditë tjetër, jam i gatshëm ta prezantoj gjendjen me një raport informues rreth pandemisë dhe angazhimit tonë kundër Covidit-19.

Mirëpres bashkëpunimin dhe kontributin tuaj, në të mirë të shëndetit dhe shëndetësisë së vendit tonë.

Për të gjitha veprimet dhe përkushtimin tonë në pandemi, do të bëj njoftimet dhe informatat e duhura për ju dhe pë opinionin.

Bashkë ia dalim!