19:29 / E Diele, 12 Korrik 2020

Zëvendësministri Dreshaj porosit qytetarët e Kosovës dhe diasporën: Distanca dhe maska, që ta mbroni veten dhe familjen

Zëvendësministri i Punëve të Jashtme, Gani Dreshaj ka shprehur shqetësimin e tij me pakujdesinë e njerëzve ndaj situatës së koronavirusit në vend. Dreshaj ka treguar edhe përvojën e tij në Gjermani për të dhënë këshilla të qarta në luftën ndaj pandemisë. “Qytetarë të dashur të Kosovës

Ka më shumë se një muaj që po qëndroj në Kosovë, pasi kisha kaluar disa muaj të pandemisë në Gjermani.

Jam thellë i shqetësuar jo me situatën në vend, por me pakujdesinë e shumë qytetarëve që kam parë gjatë kësaj kohe, kudo në Kosovë.

Koronavirusi do ndërgjegje që ta sfidojmë. A ka gjë më të lehtë për secilin prej nesh se sa të mbajmë distancën, ngase biseda e njëjtë zhvillohet si në afërsi 50 centimetra, si në 1 metër, e njëjtë edhe në 2 metra.

Andaj ju lutem, ju lutem dhe ju lutem, MBAJENI DISTANCËN sepse ruani shëndetin tuaj, i ruani prindërit e juaj, kujdeseni për secilin familjar të juajin dhe për këdo tjetër.

Dashnia e respekti për këdo është e njëjtë si ta përshëndesni nga distanca, si të i jipni dorën, andaj zgjidhni opsionin e parë sepse kështu siguroni veten dhe të tjerët.

Dëgjova me vëmendje sot konferencën e Qeverisë së Kosovës.

Mendoj se asnjë opsion drastik nuk i duhet shtetit të Kosovës sepse rrezikojmë seriozisht shkatërrimin e ekonomisë, e cila edhe ashtu nuk është stabile.

Jam i bindur që virusi ekonomik është më i dëmshëm se sa koronavirusi sepse ekonomia e dobët prek secilën shtresë të shoqërisë, dhe indirekt secilin prej nesh.

Poashtu, përderisa shteti apelon dhe e bën të detyrueshme mbajtjen e maskës, duhet që të përkujdeset që të sigurojë maska për të gjithë qytetarët.

Kam patur fatin të jem në Gjermani kur janë marrë disa nga vendimet në gastronomi. Kryefjala e secilit vendim ka qenë vetëm mbajtja e distancës dhe mbajtja e higjienës, pra dezinfektimi dhe mjetet dezinfektuese.

Apeloj tek të gjithë diaspora shqiptare që gjatë ardhjes në Kosovë të kenë maska me vete, që gjatë qëndrimit në pushime të tregojnë poashtu kulturë të lartë dhe vetëdije ngase vetëm kështu do kenë një pushim te denjë dhe të sigurt.

Pra, gjithçka është në duart dhe ndërgjegjen tonë. Virusi ekziston, ashtu siç duhet të ekzistojë ndërgjegjja jonë e madhe ndaj kësaj situate. Nuk dua ta shoh vendim tim të mbyllur, por të gjallë e aktiv.

Andaj, JU LUTEM, MBANI MASKA, MBANI DISTANCËN” shkruan Dreshaj në Facebook.

Mos i humb