Zgjedhje në FFK! Agim Ademi pa kundërshtarë, synon edhe katër vjet udhëheqje

Sot do të zgjidhet kryetari i Federatës së Futbollit e Kosovës. Kjo pritet të ndodhë në kuvendin zgjedhor, i cili do të zhvillohet nga ora 11:00 në Prishtinë.

Në këtë mbledhje, delegatët e futbollit do të zgjedhin presidentin e FFK-së për mandatin e ri katërvjeçar 2026–2030.

Kandidat i vetëm në këtë proces është kryetari aktual, Agim Ademi, i cili synon mandatin e tij të tretë në krye të institucionit më të lartë të futbollit në vend.

Ademi e mori drejtimin e FFK-së pas ndarjes nga jeta të legjendës së futbollit kosovar, Fadil Vokrri. Po ashtu, në rend dite është edhe zgjedhja e anëtarëve të komitetit ekzekutiv të FFK-së.

Caktimi i këtij kuvendi për 5 shkurt ka ngjallur reagime, përfshirë MKRS-në, e cila ka kërkuar që para mbajtjes së kësaj mbledhjeje të bëhet harmonozimi i statutit të FFK-së me legjislacionin e vendit dhe me UEFA-në e FIFA-n.

Gjatë kësaj mbledhjeje do të aprovohet edhe buxheti i Federatës së Futbollit të Kosovës për vitin 2025, i cili është planifikuar të jetë rreth 25 milionë euro.