Zhvendosje masive në Gaza: 1.9 milionë njerëz të detyruar të largohen nga shtëpitë

1.9 milionë njerëz në Gaza janë detyruar të largohen nga shtëpitë.

Gati 90 për qind e banorëve të Gazës janë zhvendosur, sipas zyrës humanitare të OKB-së (OCHA).

Përafërsisht 70 përqind e PZHBV-ve janë duke qëndruar në strehimoret e UNRWA-s, ndërsa pjesa tjetër janë në strehimore të drejtuara nga qeveria ose me familjet pritëse.

Rafah, qyteti më jugor i enklavës, po pret shumicën e PZHBV-ve me 530 mijë , tregojnë të dhënat e OCHA-së.

Në fillim të luftës, Izraeli lëshoi një direktivë që më shumë se një milion njerëz në Gazën veriore të largoheshin nga jugu, një veprim që u dënua gjerësisht nga grupet e të drejtave.

Megjithatë, ushtria izraelite vazhdoi të bombardojë zonat në jug të Gazës ku u kishte thënë njerëzve të shkonin, raporton Al Jazeera, transmeton Klankosova.tv.

Ndërsa zgjeron operacionet e tij tokësore në jug, Izraeli ka lëshuar më shumë urdhra për njerëzit që të largohen nga lagjet e tyre, duke zhvendosur banorët si dhe njerëzit që tashmë ishin larguar nga veriu.