Ziadin Sela, i bashkohet marshit për Astrit Deharin

Kryetari i Aleancës për Shqiptarët në Maqedoninë Veriore, Ziadin Sela i është bashkuar marshit për Astrit Deharin në Prishtinë.

Ai është parë i shoqëruar me ish-deputetin e LVV-së, Ismajl Kurteshi.

Ndryshe, marshi: “Një popull për drejtësi”, ka gjetur mbështetjen e shoqërisë civile, personave publikë dhe shumë organizatave politike.

Vlen të theksohet se sot bëhen 3 vjet që kur Astrit Dehari vdiq.

Ish-aktivisti i Lëvizjes Vetëvendosje u gjet  i vdekur pasditën e 5 nëntorit të viti 2016, brenda qelisë ku po qëndronte në Qendrën e Paraburgimit në Prizren.