Zjarrfikësit e pakënaqur, nesër shpalosin masat e tyre sindikale
Sindikata e Zjarrfikësve të Kosovës dhe Këshilli protestues pritet të mbaj nesër konferencë për media, për të treguar vendimet dhe fillimin e aplikimit të masave sindikale në shenjë pakënaqësie për mos realizmin e kërkesave sipas premtimeve nga institucionet qeveritare.
Sic thonë ata, ky reagim i tyre vjen si pasojë e akumulimit të problemeve të krijuara në shërbimin e tyre emergjent dhe mosgatishmërinë e institucioneve për të zgjidhur problemet të cilat në vazhdimësi e përcjellin këtë Shërbim Emergjent.
Ky është njoftimi i tyre:
Të nderuara Media, ju njoftojmë se Sindikata e Zjarrfikësve të Kosovës dhe Këshilli protestues më datë, 08.11.2018, (E Enjte ora 11), në zyrat e BSPK-s, organizon konferencë për shtyp me qëllim te informimit publik dhe institucioneve lidhur me Vendimet dhe Qëndrimet e Sindikatës se Zjarrfikësve qe te fillon Aplikimin e masave Sindikale, Riaktivizimin e Protestës , si shenjë revolte dhe pakënaqësie për mos realizimin e kërkesave sipas premtimeve nga institucionet Qeveritare.
Ky reagim vjen si pasojë e akumulimit te problemeve te krijuara ne ketë shërbim emergjent i domosdoshëm dhe mos gatishmërisë se institucioneve për te zgjidhur problemet te cilat ne vazhdimësi e përcjellin ketë Shërbim Emergjent.
Për te gjitha detajet e Protestës, formën, datën, kërkesat dhe qëndrimet e Sindikatës do t’ju njoftojmë ne konferencë për shtyp.
Shpresojmë se do te na përcillni dhe do të kontribuoni ne informimin e opinionit publik lidhur me gjendjen alarmante qe gjendet ky shërbim, paraprakisht ju jemi mirënjohës dhe falënderues./Indeksonline/