Zogaj, për punimet në rrugët e Prishtinës: Riparim i dëmtimeve, trotuare e korsi për biçikleta

Nënkryetari i Prishtinës, Alban Zogaj, ka bërë të ditur se kanë nisur punimet për rregullimin e infrastrukturës rrugore në disa zona të kryeqytetit.

Duke postuar fotografi të punimeve në rrugë, ai ka thënë se të njëjtat përfshijnë riparimin e dëmtimeve në rrugët ekzistuese, ndërtimin e trotuareve dhe korsive për biçikleta, si dhe përmirësimin e sistemit të pusetave për të shmangur përmbytjet.

“Falënderojmë qytetarët për durimin dhe mirëkuptimin e tyre gjatë këtij procesi dhe ju sigurojmë se po punojmë me intensitet të lartë për të përfunduar sa më shpejt këto projekte” tha mes të tjerash Zogaj.

Ky është postimi i plotë i tij:

Kemi filluar punimet për rregullimin e infrastrukturës rrugore në disa zona kyçe të qytetit tonë. Qëllimi ynë është krijimi i rrugëve më të sigurta dhe më të qasshme për të gjithë.

Këto punime përfshijnë:

Riparimin e dëmtimeve të rrugëve ekzistuese.

Ndërtimin e trotuareve dhe korsive për biçikleta.

Përmirësimin e sistemit të pusetave për të shmangur përmbytjet.

Falenderojmë qytetarët për durimin dhe mirëkuptimin e tyre gjatë këtij procesi dhe ju sigurojmë se po punojmë me intensitet të lartë për të përfunduar sa më shpejt këto projekte.