Zogaj: Presidentja e ka arsyetuar qartazi dekretin për zgjidhjen e Kuvendit duke u vendosur në Kushtetutën e Kosovës

Deputeti i LDK-së Alban Zogu në FIVE ka folur lidhur me situatën politike të krijuar në vend.

Ai ka thënë se presidentja e vendit e ka arsyetuar vendimin e saj duke u bazuar në Kushtetutën e vendit.

‘’E arsyetoj qartazi pse duhet shpallur dekreti dhe pse jemi në këtë pikë ku jemi’’.

Tutje Zogaj ka thënë se ka dëgjuar edhe argumentimet e Lëvizjes Vetëvendosje dhe Kurtit lidhur me 60 ditshin.

‘’60 ditëshi po na del problem, është e drejtë e tyre me u drejtu tek Gjykata Kushtetuese… dhe pastaj natyrisht gjykata me na e dhënë drejtimin sikurse edhe në rastet e tjera që na e dha drejtimin se si duhet të ecim tutje.’

‘’Por, nuk habitemi edhe me shkelje kushtetuese sepse janë shkel në vitin 2025 me dhjetëra herë është shkel Kushtetuta’’, ka thënë ai.

Zogaj i LDK-së tutje është shprehur se pavarësisht se aq shumë ishte shkelur Kushtetuta nuk është dhënë asnjë përgjegjësi politike.

‘’Qartazi nuk jemi për zgjedhje të reja, që populli i Kosovës ka zgjedh mjaftueshëm në këta muajt e fundit, katër palë zgjedhje i kemi pas vetëm në vitin 2025’’, është shprehur ai.