10:12 / E Enjte, 22 Mars 2018 / indeksADMonline

Zuckerberg pranon përgjegjësinë: Kemi bërë gabime

Kreu i “Facebook”, Mark Zuckerberg ka pranuar sot gabimet dhe premtoi se do të bëjë më mirë pas zbulimit të përdorimit të padrejtë të të dhënave personale të miliona përdoruesve nga kompania britanike “Cambridge Analytica”.

“Facebook ka bërë gabime dhe ka ende shumë për të bërë për të përmirësuar shërbimin e tij”, shkruan ai në faqen e tij, në një prej komenteve të tij të parë në lidhje me këtë çështje, ku shprehet se ndihet përgjegjës për atë që po ndodh në “Facebook” dhe duke premtuar se do t’i mundësojë përdoruesve të kontrollojnë më mirë përdorimin e të dhënave të tyre personale.

“Facebook” është nën shënjestër që kur “Cambridge Analytica” akuzohet se ka marrë pa miratim të dhënat e 50 milionë përdoruesve për të përpunuar një program që mund të parashikojë dhe influencojë votën e zgjedhësve, duke peshuar në fushatën presidenciale të Donald Trump në vitin 2016

Temat:
Mos i humb

Të fundit nga Tech