Zveçani i bashkohet Asociacionit të Komunave të Kosovës

Komuna e Zveçanit i është bashkuar Asociacionit të Komunave të Kosovës.

Lajmin e ka bërë të ditur nënkryetari i Lëvizjes Vetëvendosje, Alban Uka, i cili tha se për anëtarësimin e Zveçanit në Asociacionin e Komunave të Kosovës nuk pati asnjë kundërshtim.

“Kuvendi Komunal i Zveçanit në këto momente unanimisht pa asnjë kundërshtim e as abstenim votoi që Komuna e Zveçanit t’i bashkohet Asociacionit të Komunave të Kosovës”, shkroi Uka.

Kujtojmë se dje në Asociacionin e Komunave të Kosovës u anëtarësuan komunat e Leposaviqit dhe Zubin Potokut, ndërsa javë më parë ishte Mitrovica e Veriut ajo që e nisi këtë proces.