14:39 / E Hënë, 06 Korrik 2020

Zvogëlohet NISMA, Haxhi Shala kalon në AAK

Deputeti i Kuvendit të Kosovës Haxhi Shala prej sot ka kaluar në partinë e Ramush Haradinajt, AAK.

Shala deri sot ishte pjesë e Nismës Socialedemokrate, por para pak minutave është lideri i AAK-së, Ramush Haradinaj, i cili ka bërë të ditur ndryshimin partiak të Shalës, raporton Indeksonline.

Haradinaj u shpreh mirënjohës karshi Shalës, për angazhimin e tij në proceset e deritashme.

Njoftimi i plotë:

Sot pata nderin që me z. Haxhi Shalën, deputet në Kuvendin e Kosovës, të vendosim të rrugëtojmë së bashku në Aleancën për Ardhmërinë e Kosovës.

Vendosëm që bashkërisht t’u shërbejmë interesave të vendit, në këto kohë të ndjeshme dhe në të gjitha etapat e radhës.

Jam mirënjohës për deputetin Shala, tash kolegë në Aleancë, për angazhimin e tij në proceset e deritashme të rëndësishme për vendin tonë, si dhe për vendimin që së bashku me bashkëpunëtorët e tjerë të vazhdojnë rrugëtimin politik në AAK.

RH

Mos i humb