Zyba: Qeveria Kurti 2 do t’i ndihmojë prodhuesit vendorë që po diskriminohen brenda vendit

Kandidati për deputet nga Vetëvendosje, Salih Zyba gjatë ditës së sotme vizitoi fabrikën e këpucëve “Solid”, shkruan Indeksonline.

Ai tha se Qeveria Kurti 2, do t’i ndihmojë prodhuesit vendorë, në mënyrë që prodhuesit të mos jenë të diskriminuar brenda vendit kur të njëjtit vlerësohen për cilësi të lartë jashtë tij.

“Kandidati për deputet Salih Zyba, sot vizitoi fabrikën e këpucëve “Solid” e cila ka 250 punëtorë, produktet e së cilës, për shkak të cilësisë së tyre, tashmë janë prezente në tregun e jashtëm. Qeveria Kurti 2, do t’i ndihmojë prodhuesit vendorë, në mënyrë që prodhuesit të mos jenë të diskriminuar brenda vendit kur të njëjtit vlerësohen për cilësi të lartë jashtë tij”.