Zyrtare: Bylbyl Sokoli prezantohet te Prishtina

Bylbyl Sokoli edhe zyrtarisht ka marrë frenat e Prishtinës.

“Profa” në stolin e skuadrës nga kryeqyteti do të zëvendësoj Mirel Josën i cili u shkarkua pas dy vitesh.

Lajmin për trajnerin e ri e ka bërë skuadra përmes faqes zyrtare.

Ky është njoftimi i tyre:

Mirë se vjen Bylbyl Sokoli!

Prishtina me kryetrajner të ri

Prishtinë, 4 shtator 2019 – FC Prishtina ka zgjedhur kryetrajnerin e ri deri në përfundim të sezonit 2019/20. Bylbyl Sokoli rikthehet pas katër vitesh në udhëheqje të ekipit.

Bylbyl Sokoli sot u prezantua para futbollistëve duke u njoftuar me ta dhe pasi që mbajti fjalimin brenda ambienteve të fushës së 2 Korrikut u prononcua para medieve. (Më vonë deklarata).

Bylbyl Sokoli, kryetrajner i shumë skuadrave kosovare, së fundi kishte udhëhequr Ferizajn. Ndërsa, në FC Prishtina ka qenë kryetrajner në edicionin 2014/15 duke i prirë skuadrës në 25 ndeshje zyrtare (11 fitore, 9 barazime dhe 5 humbje).