Zyrtare: Carlo Ancelotti emërohet trajner i ri i Brazilit

Përfaqësuesja legjendare e Brazilit do të drejtohet nga një prej emrave më të mëdhenj në historinë e futbollit botëror.

Carlo Ancelotti, trajneri më fitimtar në historinë e këtij sporti, është emëruar zyrtarisht si trajneri i ri i “Seleçaos”.

Lajmi u konfirmua këtë të hënë nga presidenti i Federatës Braziliane të Futbollit (CBF), Ednaldo Rodrigues, i cili e cilësoi Ancelottin si pjesë të një strategjie për të rikthyer Brazilin në majat e futbollit botëror, shkruan IndeksOnline.

“Emërimi i Ancelottit është një deklaratë e qartë se synimi ynë është rikthimi në lavdi. Ai është trajneri më i madh në histori dhe tani do të udhëheqë kombëtaren më të madhe në botë,” deklaroi Rodrigues.

Ancelotti pritet të debutojë në stolin e Brazilit në ndeshjet kualifikuese për Kupën e Botës kundër Ekuadorit dhe Paraguajit, muajin e ardhshëm. Ai do të jetë në krye të ekipit deri në përfundimin e Botërorit 2026.

A maior Seleção da história do futebol agora será liderada pelo técnico mais vitorioso do mundo. Carlo Ancelotti, sinônimo de conquistas históricas, foi anunciado nesta segunda-feira (12) pelo presidente da CBF, Ednaldo Rodrigues, como o novo técnico da Seleção Brasileira. Ele… pic.twitter.com/grw3Rb1BmL

— CBF Futebol (@CBF_Futebol) May 12, 2025