Zyrtare: Italia prezanton Spallettin si trajnerin e ri
Federata e Futbollit të Italisë e ka zyrtarizuar Luciano Spalletti si trajner të ri të Kombëtarës Italiane.
Ish-trajneri i Napolit ka nënshkruar kontratë deri në vitin 2026, dhe do ta zë vendin e Roberto Mancinit, i cili dha dorëheqje javën e kaluar shkruan IndeksOnline.
“Federata Italiane e Futbollit njofton se ka arritur marrëveshje me Luciano Spallettin për postin e trajnerit të kombëtares italiane. Trajneri toskan do të marrë rolin e tij duke filluar nga 1 shtatori 2023 dhe prezantimi zyrtar do të bëhet me rastin e takimit të Azzurrit, të planifikuar për ditët e para të shtatorit, në Qendrën Teknike Federale në Coverciano.”, thuhet në njoftimin zyrtar.
Ai do të përfitoj pagë vjetore prej 2,5 milionë eurosh.
Spalleti sezonin e fundit arriti të fitoj titullin e Serie A me Napolin, dhe tani do ta drejtoj Italinë në kuadër të ndeshjeve kualifikuese për “Euro 2024”./IndeksOnline/