Zyrtare: Llapi firmos me portierin e Kombëtarës së Shqipërisë

Tashmë edhe është zyrtare, skuadra e Llapit ka firmos me portierin e Kombëtarës shqiptare, Arlis Shala.

Durrësaku ka vendosur që të firmos me klubin nga Podujevë me një kontratë tre vjeçare, shkruan Indeksonline

Lajmin e ka bërë të ditur vet klubi i Llapit përmes një postimi zyrtar në Facebook:

“Zyrtare: Arlis Shala përforcon Llapin

Podujevë, 12 gusht 2020 – KF Llapi njofton për marrëveshjen 3 vjeçare të arritur me portierin nga Durrësi, Arlis Shala.

Portieri i gjatë 1.96 m, reprezentues i Kombëtares së Shqipërisë për grupmoshat U17, U18, U19, U20 si dhe Kombëtares “A”, nga dita e sotme do vijoj të jetë pjesë e Llapit për 3 vitet e ardhshme.

Shala, 20 vjeçar i lindur më 26.07.2000 në Durrës, ka qenë pjesë e klubeve: KF Teuta (2010-2018), FC Cesena (2018), FC Besa Kavajë (2018), FC Flamurtari Vlorë (2019/20) si dhe së fundmi tek FC Luftëtari, ku për 6 muaj ishte titullar i padiskutueshëm.

Pas paraqitjeve të mira me Luftëtarin, ku si 20 vjeçar ishte titullar, Kombëtarja “A” e Shqipërisë e udhëhequr nga trajneri Edi Reja e ftoi në grumbullim tre ditor, për datat 6,7 dhe 8 korrik 2020.

Paç suksese në edicionin e ri Arlis.”