Zyrtare: Mërgim Berisha largohet nga Fenerbahche, transferohet në Gjermani

Mërgim Berisha edhe zyrtarisht është futbollist i ri i Augsburgut.

Klubi gjerman ka vendosur të blejë kartonin e sulmuesit kosovar nga skuadra e Fenerbahches, shkruan IndeksOnline.

Lajmin e ka bërë të ditur vet klubi turk përmes një njoftimi zyrtar.

“Klubi falenderon Mergim Berishen te cilin Klubi i Augsburgut e transferoi duke shfrytezuar opsionin e blerjes”, thuhet në njoftim.

Berisha sezonin e kaluar ishte i huazuar nga nga Fenerbahce te Augsburgu, me klubin gjerman që pagoi rreth katër milionë euro për shërbimet e tij.

25-vjeçari bëri 23 paraqitje me Augsburgun, duke shënuar 9 gola dhe dhuroi 4 asiste./IndeksOnline/