Zyrtare: Visar Bekaj transferohet në Superligën e Turqisë

Tani ish-portieri i Tiranës dhe i përfaqësueses së Kosovës,Visar Bekaj është transferuar në Turqi, ai ka firmosur me Hatayasporin, skuadër që u tërhoq nga kampionati (Superliga turke) për shkak të tragjedisë së tërmetit të 6 shkurtit.

Hatayspori dhe Gaziantepi, skuadrat nga qytetet prej zonave më të prekura nga tërmeti, u detyruan të mos mbyllnin sezonin e fundit. Por, Federata Turke e Futbollit vendosi që të dy skuadrat të jenë pjesë e Superiores në edicionin e ri.

26-vjeçari nga Prishtina, ka kaluar me sukses testet mjekësore. Ai ishte pjesë e Tiranës në dy sezonet e fundit. Duke fituar titullin dhe Superkupën e Shqipërisë me bardheblutë.