10:12 / E Diele, 15 Prill 2018

Ministri Hasani: Sot nisim një projekt të madh për këtë pjesë të Kosovës

Ministri i Tregtisë dhe Industrisë, Bajram Hasani ka thënë se është krenar që sot do të nisin një projekt të madh për Kosovën. Me këtë rast, do të bëhet ceremonia e inaugurimit të fillimit të punimeve për ndërtimin e autostradës Prishtinë – Gjilan – Dheu i Bardhë.

Ai përmes një statusi në ‘Facebook’ ka treguar se tani edhe Anamorava po bëhet me infrastrukturë moderne dhe sipas tij, po lidhet me pjesën tjetër të vendin tonë.

“Ky rrugë do të ketë ndikim të drejtpërdrejtë edhe në zhvillimin ekonomik të kësaj pjese të Kosovës”, ka shkruar ndër të tjerash Hasani.

Shkrimi i plotë:

Krenar që sot po nisim në terren një projekt kaq të madh për këtë pjesë të Kosovës.

Edhe Anamorava po bëhet me infrastrukturë moderne dhe po lidhet me pjesën tjetër të Kosovës.

Kjo rrugë do të lidhë edhe më shumë shqiptarët mes vete. Tani shqiptarët e Luginës së Preshevës do të jenë edhe më afër Kosovës.

Ky rrugë do të ketë ndikim të drejtpërdrejtë edhe në zhvillimin ekonomik të kësaj pjese të Kosovës.

Jam shumë i emocionuar, se ky projekt po nisim në vigjilje të Betejës së Zhegocit, si shenjë mirënjohjeje për dëshmorët e atdheut, të cilët mbetën udhërrëfyes të angazhimit tonë për ta bërë më të mirë vendin tonë./Indeksonline/