LIVE: Nis seanca e Kuvendit, pas pak interpelanca e Hoxhës

Si çdo herë, edhe sot seanca plenare e Kuvendit të Kosovës ka nisur me vonesë.

Sipas paralajmërimit, njëherë do të përfundojnë seancat e mbetura në gjysmë të datave 5,6 dhe 8 qershor, për të filluar me një seancë të re, raporton Indeksonline.

Mirëpo, pak minuta pasi nisi seanca plenare e Kuvendit të Kosovës, nënkryetari Xhavit Haliti e ka ndërprerë atë.

Ai në hapje të seancës u ka bërë një thirrje shefave të Grupeve Parlamentare, raporton Indeksonline.

“Lus kryetarët e grupeve parlamentare që t’i thërrasin deputetët në sallë”, ka thënë shkurt Haliti.

Në rend dite është interpelanca e ministres së Integrimeve Evropiane, Dhurata Hoxha në lidhje me zbatimin e Programit Kombëtar për Zbatimin e Marrëveshjes së Stabilizim-Asociimit (PKZMSA) për kuartalin e katërt (K4) 2017 dhe kuartalin e parë (K1) 2018.

Ky është rendi i plotë i ditës:

Koha për deklarime jashtë rendit të ditës,

Koha për pyetje parlamentare,

Interpelancë me ministren e Integrimit Evropian, Dhurata Hoxha në lidhje me zbatimin e Programit Kombëtar për Zbatimin e Marrëveshjes së Stabilizim-Asociimit (PKZMSA) për kuartalin e katërt (K4) 2017 dhe kuartalin e parë (K1) 2018,

Shqyrtimi i parë i Projektligjit për aktet juridike,

Shqyrtimi i parë i Projektligjit për ndryshimin dhe plotësimin e Ligjit nr.05/L-028 për tatimin në të ardhurat personale,

Shqyrtimi i parë i Projektligjit për ndryshimin dhe plotësimin e Ligjit nr.05/L-029 për tatimin në të ardhurat e korporatave,

Shqyrtimi i parë i Projektligjit për ndryshimin dhe plotësimin e Ligjit nr.05/L-037 për tatimin në vlerën e shtuar,

Shqyrtimi i dytë i Projektligjit për miniera dhe minerale,

Shqyrtimi i Raportit vjetor financiar për Buxhetin e Republikës së Kosovës për vitin 2017,

Shqyrtimi i Raportit vjetor të Agjencisë për Menaxhimin e Komplekseve Memoriale të Kosovës për vitin 2017,

Shqyrtimi i Raportit vjetor të Këshillit të Kosovës për Trashëgimi Kulturore për vitin 2017,

Shqyrtimi i Raportit vjetor të Agjencisë Shtetërore për Mbrojtjen e të Dhënave Personale për vitin 2017,

Propozimi për formimin e Komisionit hetimor parlamentar në lidhje me emërimet e shërbyeseve të lartë civilë në Administratën Shtetërore të Republikës së Kosovës,

Propozimi për formimin e Komisionit hetimor parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018,

Debat parlamentar në lidhje me Kornizën Afatmesme të Shpenzimeve 2019-2021. /Indeksonline/