Nis takimi i përbashkët Mogherini-Thaçi-Vuçiq
Ka filluar takimi tre palësh mes përfaqësueses së Lartë të BE-së, Federica Mogherini, presidentit të Kosovës, Hashim Thaçi dhe atij të Serbisë, Aleksandar Vuçiq.
Në këtë takim i cili po zhvillohet në Bruksel në kuadër të dialogut, do diskutohet për normalizimin e marrëdhënieve mes dy vendeve.
“Federica Mogherini takohet me presidentin e Serbisë Aleksandar Vuçiq dhe presidentin e Kosovës, Hashim Thaçi për të diskutuar normalizimin e plotë të marrëdhënieve në Bruksel”, ka shkruar Maja Kocijançiq, zëdhënësja e Mogherinit.
Me këtë takim, filloi edhe faza e fundit apo përmbyllëse e dialogut mes Kosovës dhe Serbisë, e cila pritet të përfundojë me normalizimin e marrëdhënieve mes dy vendeve./Indeksonline/