15:58 / E Mërkurë, 14 Mars 2018

Standardi marramendës i jetës së Shakirës dhe Piques, ja sa marrin brenda një viti (Foto)

Shakira dhe Gerard Pique janë dy personazhe që tërheqin shumë vëmendje në media, por edhe një prej çifteve më të pasur. Të dy së bashku, ata zotërojnë një pasuri prej qindra milionë eurosh.

Shakira, sipas të përditshmes “Gol” ka një pasuri prej 220 milionë dollarë, një shifër që nuk habit aspak, duke qenë se vetëm në turneun e saj të fundit “Sale el Sol World Tour”, në vitet 2010-2011, artistja kolumbiane arriti të arkëtojë 100 milionë dollarë, me biletat që u shitën për 50 dollarë secila.

Image result for shakira pique

Por jo vetëm kaq. Sipas portalit “Tu Salario”, balerina dhe këngëtarja ka fituar 130 mijë euro në ditë, ose 4 milionë euro në muaj nga shitjet e disqeve, fushatat publicitare, etj..

Shakira ka shitur mbi 60 milionë kopje të albumeve në botë, por fama e saj u rrit edhe më shumë pas interpretimit të këngës zyrtare të Botërorit 2010, “Waka Waka”, ndërsa hiti “Hips Don’t Lie” është një prej atyre që kanë shitur më shumë kopje.

Image result for shakira pique

Albumi i Shakirës “Laundry Service” pati një sukses të madh në tregun anglosakson të muzikës, me 20 milionë kopje të shitura. Megjithatë ka edhe më shumë. Shakira ka edhe linjat e saj të fragrancave të parfumeve si “S”, “Elixir” dhe “Rock”, ndërkohë që për dy sezone ka qenë në rolin e trajneres në versionin amerikan të shfaqjes televizive për talentë “The Voice”.

Image result for shakira pique

Për sa i përket Pique, futbollisti përfiton 6 milionë euro në vit nga kontrata me Barcelonën, shifër së cilës i shtohen edhe të ardhurat nga publicitetet, ndërkohë që është në pronësi të disa bizneseve. Ndër firmat që janë në zotërim të 31-vjeçarit, është ajo e videolojërave, “Kedad Games”, ndërkohë që ka 27% të kapitalit të “Bas Alimentaria”, kompani e produkteve të mishit.

Sipas përllogaritjeve të revistës “People With Money”, Pique mendohet se arkëton çdo vit 90 milionë euro.

Image result for shakira pique