Humbje befasuese e Strugës ndaj skuadrës islandeze
Skuadra shqiptare nga Maqedonia e Veriut, Struga ka pësuar humbje në ndeshjen e parë të play-offit të Conference Leageu.
Në ndeshjen e cila u zhvillua në stadiumin “SRC Biljanini Izvori” në Ohër, u mposht nga skuadra islandeze, Breidablik, me rezultat minimal 1-0, shkruan IndeksOnline.
Hoskuldur Gunnlaugsson ishte shpëtimtar i Breidablik, i cili shënoi golin e fitorës në minutën e 35-të.
Deri në fund Struga e dominoi ndeshjen por që nuk arritën të ndryshonin rezultatin.
Ndeshja e kthimit zhvillohet javën e ardhshme në Islandë, ku do të vendoset se cila skuadër do të kaloj në fazën e grupeve të Conference League./IndeksOnline/