UEFA Champions/ Nëse Drita kalon raundin preliminar, e pret “ferri” ndaj kampionit suedez (Foto)
Shtëpia më e madhe e futbollit në Europë, UEFA ka hedhur shortin për raundin e parë kualifikues në Champions League.
Në këtë short është mësuar edhe kundërshtari i mundshëm i kampionit të Superligës së Kosovës, Drita, raporton IndeksOnline.
Nëse skuadra kosovare kalon raundin preliminar, në raundin kualifikues do të takohet me kampionin e Suedisë, Malmo.
Por, para se të mbërrij te kundërshtari suedez, Drita duhet ta fitojë gjysmëfinalen ndaj ekipit Santa Coloma si dhe finalen e raundit preliminar.
Kujtojmë që gjysmëfinalja tjetër zhvillohet mes La Fiorita dhe Lincoln.
Në anën tjetër, dy klubet tjera shqiptare si Kukësi dhe Shkëndija kanë mësuar kundërshtarët në këtë raund. Shkëndija e Tetovës luan ndaj The New Saints FC, kurse Kukësi ndaj Valletta FC./IndeksOnline/