20:40 / E Diele, 23 Janar 2022 / GF

​Belgjikë: Topa uji dhe gaz lotsjellës kundër protestuesve

Policia në Bruksel përdori topa uji dhe gaz lotsjellës sot për të shpërndarë protestuesit e mbledhur kundër vaksinimit dhe kufizimeve antiCOVID.

Protestat pasuan demonstratat në disa qytete evropiane të shtunën, duke mbledhur mijëra njerëz. Protestuesit kundërshtuan lejet COVID dhe masat e tjera të vendosura nga autoritetet për të shtypur koronavirusin.

Pjesëtarët e forcave të sigurisë u kanë bërë thirrje protestuesve që të shpërndahen, duke theksuar se protestat kanë përfunduar, por të grumbulluarit i kanë shpërfillur.

Organizatorët, duke përfshirë lëvizjen World Wide Demonstration for Freedom dhe Europeans United for Freedom, u kanë bërë thirrje protestuesve nga vendet e tjera evropiane që të marrin pjesë në protestën e sotme. Flamujt holandezë, polakë dhe rumunë u panë në protestë.

Një protestues i ardhur nga Lille, në veri të Francës, tha se ngjarjet që ndodhën që nga viti 2020 u mundësuan njerëzve të zgjoheshin, ndërsa një i ri nga Portugalia tha se ishte ngrohtë rreth zemrës së tij kur pa kaq shumë njerëz që protestonin.

Demonstratat po zhvillohen edhe pse disa qeveri janë në rrugën e duhur për të lehtësuar kufizimet shëndetësore pavarësisht përhapjes së variantit omicron, i cili tani është lloji dominues në Evropë.