20:50 / E Mërkurë, 26 Shkurt 2020

​Gjumi i vonë shoqërohet me mbipeshë te fëmijët

Një hulumtim i ri e ka lidhur kohën e vonë të gjumit me një rrezik të rritur të mbipeshës te fëmijët deri në gjashtë vjeç, por shkencëtarët thonë se prindërit nuk duhet t’i vendosin fëmijët e tyre në shtrat herët për shkak të kësaj.

Në vend të kësaj, prindërit duhet të përqendrohen në ruajtjen e një ritmi të rregullt të jetës së fëmijës së tyre për sa i përket kohërave të vaktit dhe shkuarjes në shtrat, thotë Claude Marcus, një profesor i pediatrisë në Institutin Karolinska në Suedi, i cili drejtoi studimin, botuar në ‘Pediatrics’.

Studimi u përqendrua në 107 fëmijë në Suedi. Shkencëtarët gjurmuan peshën, lartësinë dhe perimetrin e belit të fëmijëve nga mosha e parë deri në gjashtë vjeç. Të gjithë fëmijët ishin afërsisht të njëjtën madhësi në fillim të studimit.

Gjumi i tyre monitorohej shtatë ditë rresht një herë në vit gjatë gji thë studimit me ndihmën e një pajisjeje në krahun e fëmijës.

Shkencëtarët kanë zbuluar se fëmijët që shpesh shkonin në shtrat vonë pas orës 21.00 kishin një perimetër më të madh të belit dhe një indeks më të lartë të masës trupore deri në fund të studimit.

Hulumtimet e hershme kanë zbuluar se gjumi më i shkurtër është i lidhur me shanset më të larta të mbipeshës së fëmijëve.

Mos i humb