22:00 / E Diele, 20 Nëntor 2022 / GF

​Ja çfarë ndodh me trupin tuaj nëse pini çaj jeshil çdo ditë

Edhe pse ka shumë kafeinë dhe nuk duhet ta teproni ashtu si me kafenë, nutricionistët kanë konfirmuar se çaji jeshil ka shumë përfitime për shëndetin tuaj.

Sipas Healthline, duke konsumuar një filxhan çaj jeshil çdo ditë, mund të vëreni ndryshimet e mëposhtme në një kohë shumë të shkurtër.

Do të jeni më të shëndetshëm

Hulumtimet kanë treguar se çaji jeshil përmban shumë antioksidues që mbrojnë trupin e njeriut nga të ashtuquajturat radikale të lira.

Pirja e rregullt e çajit jeshil mund të ndihmojë në parandalimin e sëmundjeve të tilla si kanceri i zorrës së trashë, gjirit ose prostatës. Po kështu, antioksiduesit kanë një efekt pozitiv në nivelin e kolesterolit në gjak, gjë që e bën atë një pije të shkëlqyer për një zemër të shëndetshme.

Do të jeni në humor më të mirë

Kjo mund t’ju habisë, por shumë studime të mëparshme kanë treguar se konsumimi i shpeshtë i çajit jeshil kontribuon në një humor më të mirë.

Çaji jeshil e ka këtë efekt për shkak të neuro-transmetuesve dopaminë dhe norepinefrinë, të cilët përmirësojnë humorin, si dhe aminoacidit L-theanine që përmban. Është pikërisht L-theanina që ka një efekt anksiolitik dhe relaksues, i cili ndër të tjera vepron edhe kundër stresit.

Do të keni presion më të ulët të gjakut

Çaji jeshil mund të pengojë prodhimin e angiotenzinës, një hormon që ngushton enët e gjakut dhe rrit presionin e gjakut. Pirja e një filxhani çaji jeshil çdo ditë mund të ulë presionin e gjakut dhe të parandalojë problemet që lidhen me presionin e gjakut.

Ju do të humbni peshë

Konsumimi i rregullt i çajit jeshil ndihmon në ruajtjen e peshës trupore optimale. Nutricionistët shpjegojnë se kjo për shkak të antioksiduesve në fjalë, të cilët kanë edhe më shumë përfitime për shëndetin tuaj. Përkatësisht, ato ulin përqendrimin e kolesterolit “të keq” dhe rrisin përqendrimin e të mirës, ndërsa çaji jeshil mund të stimulojë djegien e yndyrës dhe të zvogëlojë ndjenjën e urisë. Hulumtimet kanë treguar se konsumimi i çajit jeshil madje djeg yndyrën e barkut dhe përshpejton metabolizmin, gjë që është shumë e rëndësishme për humbjen e peshës.

Do të dukeni më të rinj

Meqenëse antioksiduesit në çajin jeshil mbrojnë qelizat tuaja nga radikalet e lira, ato gjithashtu i mbrojnë ato nga plakja e parakohshme. Nëse pini çaj jeshil rregullisht, mund të parandaloni shfaqjen e rrudhave, dhe disa hulumtime tregojnë se mund të riparoni edhe dëmet e shkaktuara nga djegia nga dielli.