12:37 / E Enjte, 01 Tetor 2020

​Shpenzon një mal me para për t’u dukur si alien

Një tifoz ekstrem i modifikimeve të trupit thotë se ai është vetëm në 16% të projektit të tij “Black Alien”.

Francezi Anthony Lofredo duhej të udhëtonte në Barcelonë për t’iu nënshtruar modifikimeve që janë të paligjshme në Francë.

Edhe pse modifikimi i trupit po bëhet gjithnjë e më popullor, Lofredo e ka çuar atë përfundimisht në ekstreme të reja. Përveç faktit që ai tani nuk ka hundë dhe gjuha e tij është e ndarë në dy pjesë, Lofredo ka bërë tatuazh tërë lëkurën, ka bërë shpime në të gjithë fytyrën, duke përfshirë përmes mjekrës, implantet janë vendosur në kokën e tij dhe duket sikur i janë hequr veshët.

Në një intervistë për gazetën franceze “Midi Libre”, Lofredo foli për ëndrrat e tij për t’u dukur si një alien.

“Që kur isha i vogël, kam qenë shumë i apasionuar pas mutacioneve dhe transformimeve të trupit të njeriut”, tha ai, duke zbuluar se si, duke punuar si roje sigurie, e kuptoi se nuk po e jetonte jetën e tij ashtu si dëshironte.