​Lindi një vajzë dhe më pas erdhi shoku: Askush nuk e priste këtë

Lyndsey Atlice (30) nga Wisconsin, e cila tashmë ka djalin Django, mezi mund të priste lindjen e saj për të takuar më në fund vajzën e saj të parë.

Sidoqoftë, ajo përjetoi një tronditje të vërtetë kur dy minuta pasi lindi vajzën e saj të parë Ada Maze, mbërriti motra e saj binjake Billie June.

Ajo vështroi e habitur bashkëshortin e saj Wesley (33) pasi që foshnja tjetër nuk u shfaq në asnjë ultrazë dhe thjesht nuk e priste, shkruan The Sun.

Lindsey ka thënë se nuk ka fjalë për të përshkruar faktin që lindi dy fëmijë në vend të një.

“Burri im ishte në shok, motra ime po merrte fotografi dhe nuk mendoj se dikush nga ne kishte një të dhënë si të ndjehej. Edhe unë isha në shok. Kam pasur një milion mendime. Unë duhet të kisha vendosur një rekord botëror për sa herë dikush mund të bërtasë ‘Oh Zoti im, brenda dhjetë minutave,’”, ka thënë Lindsey.

Ajo thekson se nuk do të ndryshonin asgjë dhe se janë shumë të lumtur.

Shtatzënia e saj nuk tregoi shenja të rritjes së një fëmije tjetër. Ajo madje bëri një skanim ultratinguj, por nuk mund ta shihte fëmijën tjetër.

Për Lindsey, ishte një nga surprizat më të mëdha dhe më të mira që ajo kishte përjetuar ndonjëherë.