​Vatikani ofron organizimin e negociatave midis Ukrainës e Rusisë

Vatikani ka ofruar organizimin e negociatave midis Ukrainës dhe Rusisë në territorin e tij, tha për Mediaset kryepeshkopi Paul Richard Gallagher, kreu i Departamentit të Politikës së Jashtme të Kishës Katolike.

Ai vuri në dukje se Vatikani dhe Papa kanë qenë gjithmonë të hapur për negociata që nga fillimi i konfliktit, por se “ende nuk është marrë një përgjigje konkrete”, raporton “Glavkom” ukrainas.

Gallagher shpjegoi se oferta mbetet e vlefshme. “Ne e konsiderojmë të përshtatshme dhe të nevojshme që të ofrojmë dhe sigurojmë këtë vend (për negociata). Ati i Shenjtë do të kishte një pamje shumë pozitive të situatës nëse të dyja palët do të binin dakord për negociata, me qëllime të mira dhe në frymën e kërkimit të paqes dhe dialogut”, tha Kryepeshkopi i Vatikanit.