100 asistimet në Premier League e vendosin Fabregasin në Librin e Rekordeve, ”Guiness”
Cesc Fabregas është futur në Librin e Rekordeve, ”Guiness” pasi që është bërë lojtari që ka arritur më së shpejti në kuotën e 100 asistimeve në Premier League.
Mesfushori i Chelseat e ka fituar Kupën e Botës me Spanjën si dhe dy herë Premier Leaguen – por, tani ai e ka futur në kabinetin e tij të çmimeve edhe rekordin e regjistruar nga ”Guiness”.
31-vjeçari pozoi me çmimin e fituar së fundmi pasi u bë lojtari më i shpejtë që arriti në shifrën e 100 asistimeve në Premier League, transmeton IndeksOnline.
”Nuk jam më i shpejti, nuk jam më i forti, nuk jam më i qëndrueshmi dhe nuk kërcej lart”, tha Fabregas.
”Por, ta arrija këtë rekord në karrierën time është njëra prej gjërave që më bën më së shumti krenar në punën time sepse është puna ime dhe e kam kryer mirë”.
Asistimi i 100-të i Cesc në Premier League erdhi më 31 dhjetor të vitit 2019 në ndeshjen e tij të 293-të, ku ai asistoi te goli i Willian në fitoren, 4-2 ndaj Stoke Cityt.
Këtë rekord, Fabregas e arriti 74 ndeshje më shpejt se legjenda e Manchester Unitedit, Ryan Giggs./IndeksOnline/
