Raportoi vajzën në polici si të dhunuar, policia nis hetimet

Policia e Kosovës ka njoftuar se një vajzë dyshohet se ishte marrë nga një person i panjohur dhe se ka kryer marrëdhënie seksuale.

Nëna e viktimës ishte ajo që kërkoi ndihmën e policisë.

Rasti ka ndodhur në Kaçanik, ndërsa është cilësuar si “Dhunim”.

“Ankuesja femër kosovare ka informuar se vajza e saj viktima femër kosovare, dyshohet se është marrë nga një person i panjohur me veturë dhe dyshohet se ka kryer marrëdhënie seksuale. Me vendim të prokurorit viktima është dërguar në IML për ekzaminim, përderisa rasti është duke u hetuar”, thuhet në njoftimin e policisë, përcjell IndeksOnline.