8 projektet prioritare që Abdixhiku e Ahmeti u dakorduan për t’i realizuar këtë vit në Prishtinë
Ministri i Infrastrukturës dhe Ambientit, Lumir Abdixhiku ka takuar sot të parin e Prishtinës, Shpend Ahmeti.
Gjatë këtij takimi u prezantuan projektet primare të Qeverisë në infrastrukturë e mjedis në Prishtinë.
Abdixhiku tha se me Ahmetin u dakorduan që të ndërtojnë një grup të përbashkët ministri-komunë, që të koordinohen projektet për këtë vit në Prishtinë, transmeton Indeksonline.
“Sot vizitova Kryetarin e Prishtinës Shpend Ahmeti dhe ekipin e tij. I prezantova projektet prioritare te Qeverisë në infrastrukturë e në mjedis në Prishtinë. U pajtuam të ndërtojmë një grup të përbashkët Ministri-Komunë që do të koordinojnë projektet e mëdha në Prishtinë këtë vit, me theks të veçantë”, tha Abdixhiku.
Kurse projektet që u prezantuan si prioritare janë këto:
– Rrugën A me gjithë kolektor;
– Unazën e Prishtinës;
– Hartën Zonale;
– Përpjetëzën e mbikalimet në Veternik;
– Urën dhe unazën në Arbëri;
– Kolektorin në Hajvali;
– Ujësjellësin në Gollak;
– Trajtimin rajonal të mbeturinave.
“Kryeqyteti në këtë mandat qeverisës do të ketë vëmendje rrënjësisht më të shtuar”, shtoi ministri Abdixhiku./Indeksonline/