Beqiri komenton zhbllokimin e fondeve nga MCC me një thënie të Rugovës

Deputeti në ardhje i Kuvendit të Kosovës nga radhët e LDK-së, Ismet Beqiri ka komentuar zhbllokimin e fondeve nga Korporata e sfidave MCC.

Beqiri tha se nuk ka zyrtar shtetëror i cili guxon as tani dhe as në të ardhmen ti dëmtoj raportet tona me ShBA-të, pasi kjo miqësi është e shenjtë, transmeton Indeksonline.

Madje Beqiri ka ripërsëritur fjalët e presidentit historik të Kosovës, Ibrahim Rugova i cili pati thënë se “Shtëpia nuk mbahet pa miq”.

Postimi i plotë:

“ Shtëpia nuk mbahet pa miq” thoshte Presidenti Historik Ibrahim Rugova.
Kjo u vertetua gjatë ditës së djeshme kur Korporata e sfidave MCC, ka zhbllokuar fondin prej 200 milionë dollarësh për Republikën e Kosovës. Nuk ka zyrtar shtetëror i cili guxon as tani dhe as në të ardhmen ti dëmtoj raportet tona me SHBA-të, sepse miqësia jonë është e shenjtë ????!