Johnson: Kriza e koronavirusit përfundon nga mesi i 2021-s

Kryeministri britanik, Boris Johnson, tha se vendi do të kalojë krizën e koronavirusit nga mesi i vitit 2021, por frika e tij ishte se do të kishte një goditje të dytë të pandemisë.

Ai tha se të gjithë duhet të marrin vaksinën kundër gripit sezonal, për të parandaluar mbingarkimin e shërbimeve shëndetësore gjatë dimrit.

Mbretëria e Bashkuar, ka fuqizuar masat kundër përhapjes së koronavirusit, duke e bërë të detyrueshme mbajtjen e maskës brenda dyqaneve, qendrave tregtare të mbyllura, në banka dhe institucione të tjera.

Policia mund gjobisë deri në 100 funte për ata që nuk respektojnë masën.

Sipas universitetit “Johns Hopkins”, në Mbretërinë e Bashkuar janë regjistruar gjithsej 298.731 raste me koronavirusin, prej të cilëve 45.639 kanë vdekur.