Emocionuese: Fëmijët iu hidhen në përqafim Memlit pas 15 ditësh

Deputeti i Partisë Demokratike të Kosovës, Memli Krasniqi, është shëruar nga koronavirusi.

Lajmin e ka bërë të ditur vetë ai me anë të një postimi në profilin e tij në Facebook.

E pas 15 ditësh, Krasniqi ka përqafuar tre fëmijët e tij, që COVID19 ia pamundësoi atë, shkruan IndeksOnline.

Gruaja e Krasniqit, Meliza ka shpërndarë fotografi ku shihet momenti kur fëmijët i hidhen në krahë Memlit me plot dashuri, pas shërimit të tij.

Meliza thotë se ka qenë shumë e rëndë kur fëmijët për 15 ditë rresht e kanë pyetur “ a bën me përqaf babin sot”.

“Covid free perqafimi ?

P.s. Sa ka qene i rande lajmi se Memli ka virus aq ka qene e rande qe per 16 dite me i ni femijet tu pyt “a ben me perqaf babin sot?””, shkroi ajo./IndeksOnline/