Edhe pse i lënduar, Roshi është prezent në “Air Albania” për t’i mbështetur shokët

Shqipëria po luan në këto momente me Bjellorusinë sfidën e fundit në grupin 4 të Ligës C për Nations League.

Në stadium për të mbështetur kuqezinjtë në këtë finale është edhe Odise Roshi. “Raketa” e kuqezinjve është i dëmtuar dhe nuk ka qenë gati për trajnerin Reja.

Kujtojmë se në ndeshjet e fundit ai është aktivizuar në krahët e mesfushës me pesë lojtarë, duke pasur disa kritika për gabime në fushë.

Kjo ndeshje është një “finale” për objektivat e kreut të grupit, me Shqipërinë që me një fitore ndaj bjellorusëve do arrinte objektivin e fitimit të grupit, teksa Roshi është një tifoz special në “Air Albania”.