Chelsea, lider i ri i Premierligës

Chelsea ka fituar me rezultat 3-1 ndaj Leeds në kuadër të javës së 11-të në Premierligë.

Ndeshja ishte e bukur dhe me raste të shumta, sidomos nga londinezët që ishin më të mirë.Por goli i parë në ndeshje u shënua nga mysafirë dhe atë që në minutën e katërt.

Kalvin Phillips pason te Patrick Bamford i cili e zë në kundër kohë portierin Mendy për të shënuar për 1-0.Chelsea ishte rast të mirë të barazonte në minutën e 10-të, por Timo Werner humb rast që nuk humbet nga dy metra qëllon shtyllën.

Goli i barazimit erdhi në minutën e 27-të. Reece James asistoi për Olivier Giroud i cili nga afër shënon për 1-1.Pjesa e parë u mbyll me këtë rezultat, ndërsa në të dytë Chelsea ishte edhe më kërkues.

Në minutën e 61-të vendasit gjetën golin e epërsisë.Kurt Zouma u gjend në zonë më së mirë, duke goditur topin me kokë për 2-1.Chelsea kishte rast të mirë me Werner pas golit, por edhe kësaj radhe ai nuk ishte i saktë.

Krejt në kohën shtesë gjermani asistoi bukur për Pulisic që shënoi për 3-1.Chelsea me këtë fitore është lider në Premierligë me 22 pikë.