Muller nervozohet pas humbjes, kapet me gazetarin
E gjitha ndodh në Kupën e Gjermanisë, në ndeshjen midis nikoqirëve, Holstein Kiel, dhe Bayern Munich.
Bavarezët me vlerësimin më të lartë eliminohen nga penalltitë, pasi kanë barazuar 2-2 në 120 minutat e mëparshme.
Një “goditje” e keqe për kampionët e Europës, të cilët, pas garës, sigurisht nuk e morën mirë atë që ndodhi.
Mbi të gjitha Thomas Muller, i cili debatoi me një gazetar në kohën e intervistave.
Siç raportojnë “Bild” dhe “Metro”, lojtari i Bayern Munchen, dukshëm shumë i mërzitur nga eliminimi, replikoi me intervistuesin.
“Ju më pyesni se çfarë mendoj tani, –filloi Muller. – Por, nëse jeni duke qeshur, si mund të përgjigjem”. Nga ana e tij, gazetari mbrojti veten: “Unë nuk po qesh. E kuptoj momentin tuaj, por nuk po qesh”.
Dhe Muller reagoi përsëri: “Sigurisht që po qesh; po, po, e bëre”. Megjithatë, më vonë, toni u qetësua dhe intervista vazhdoi pa probleme. Ajo që është e sigurt është se lojtari i Bayern Munich ishte me të vërtetë i zemëruar…