Shri Lanka merr vendim për ndalimin e burkës dhe mbylljen e mijëra shkollave islamike

Shri Lanka do ta ndalojë plotësisht mbartjen e burkës dhe do t’i mbyllë mijëra shkolla islamike, ka thënë një ministër i Qeverisë.

Ministri i Sigurisë Publike, Sarath Weerasekera ka bërë me dije përmes një konference për vendimin që të ndalohet përdorimi i burkës apo mbulimi i tërësishëm i fytyrës.

“Në ditët e më hershme, gratë dhe vajzat nuk vishnin burka. Kjo është shenjë e paraqitjes së islamit ekstremist në vendin tonë. Patjetër që duhet ndaluar atë”, ka deklaruar Weerasekera.

Bartja e burkës në shtetet me shumicë budiste ishte ndaluar përkohësisht në vitin 2019, pas bombardimit të kishave dhe hoteleve nga militantë islamikë ku ishin vrarë më tepër se 250 persona.