Si në filma: Prishtinë/ Kërcënon familjen e tij e policinë, dorëzohet pas një ore kosovari

Një rast i dhunës në familje ka ndodhur mbrëmjen e sotme në Prishtinë. Një person i moshës 32-vjeçar për orë të tëra nën kërcënimin e armës ka kërcënuar familjen e tij. Duke e parë gjithë këtë situatë, nëna e vëllai i të dyshimtit kanë lajmëruar menjëherë policinë, raporton IndeksOnline.

Ekipet policore kanë mbërritur në vendin e ngjarjes, rrugën “Bill Klinton” në kryeqytet. Por personi i dyshuar nën kërcënimin e armës për më shumë se një orë ua kishte drejtuar  armën zyrtarëve policorë.

Këta të fundit fillimisht kishin siguruar anëtarët e familjes dhe në fund kishin arritur që personin që kishte sjellje agresive ra dorëzonin para hetuesve policor.

Për këtë rast pëe IndeksOnline, detaje kanë dhënë edhe nga Policia për rajonin e Prishtinës. Zëdhënësja Flora Ahmeti e ka konfirmuar rastin.

“Sot rreth orës 20:00, kemi pranuar informatën për një rast të dhunës në familje në rrugën “Bill Klinton” në Prishtinë.  Menjëherë në vendngjarje kanë dalë njësitet policore, të cilat fillimisht kanë bërë sigurinë e plotë të  familjarëve, pasi që personi i dyshuar (i  armatosur ) kishe sjellje agresive.”, thuhet në përgjigjen e Ahmetit për IndeksOnline.

Tutje ajo ka shpjeguar të gjithë rastin.

“I dyshuari, K.M. mashkull,  32 vjeç, shtetas i Republikës së Kosovës, ka tentuar që duke kërcënuar me armë zyrtarët policor t’i shmanget arrestimit.  Mirëpo, Njësiti i Reagimit të Shpejtë,  pas negociimit të gjatë profesional (rreth një orë) me personin e dyshuar,  ka arrit  të arrestoj të dyshuarin dhe të sekuestroj një armë zjarri”.

E në vendin e ngjarjes  po vazhdon kontrolli dhe ekzaminimet e nevojshme policore, ndërkohë që në   koordinim të ngushë me prokurorin e shtetit do të ndërmerren veprimet e mëtejme./IndeksOnline/