Merkel mbron vendimin e BE-së, për të blerë vaksinat AstraZeneca
Kancelarja gjermane, Angela Merkel. ka mbrojtur vendimin e BE-së për të blerë vaksinat e koronavirusit së bashku.
Udhëheqësit e BE-së do të zhvillojnë bisedime virtuale së shpejti për të diskutuar mënyrat e rritjes së furnizimeve të vaksinave dhe përmirësimin e shpërndarjes nëpër 27 kombet, shkruan BBC-i, transmeton Indeksonline.
Presioni është në rritje mbi ta për të kryer pasi vendet e tjera, si Britania e Madhe, arritën vaksinimin shumë më të shpejtë.
Komisioni Evropian po kërkon kontroll të shtuar në eksportet e vaksinave.
Kontrolle të tilla mund të ndikojnë në furnizimin me Mbretëria e Bashkuar, ku kryeministri Boris Johnson ka paralajmëruar kundër vendosjes së “bllokadave”.
Takimi virtual do të bëhet së shpejti, ndërsa një valë e tretë e infeksioneve të koronavirusit kanë përfshirë pjesën më të madhe të Evropës kontinentale.
Shtetet e BE-së kanë parë disa nga shpërthimet më vdekjeprurëse të pandemisë, me Italinë që regjistron më shumë se 106.000 vdekje, Franca 93.000, Gjermania 75.000 dhe Spanja 73.000.
Megjithatë, shifrat e fundit tregojnë se vetëm 12.9 doza vaksine janë administruar për 100 persona në BE krahasuar me 44.7 në MB dhe 37.2 në SHBA.
Komisioni Evropian ka fajësuar kompanitë farmaceutike, kryesisht “AstraZeneca”-n për mosdhënien e dozave të premtuara në BE.
Brukseli ka thënë se më shumë se 40 milionë doza janë eksportuar nga BE-ja gjatë dy muajve të fundit, e ndërsa një e katërta u dërguan në Mbretërinë e Bashkuar.
