Quni flet për humbjen e LDK-së në zgjedhjet e fundit

Deputeti i LDK-së, Anton Quni, ka folur lidhur me humbjen e LDK-së në zgjedhje. Më 14 shkurt LDK mori vetëm 12 për qind të votave.

Thotë se si parti ende nuk kanë nxjerr një përfundim që solli në këtë rezultat.

“Nuk e kemi bërë një analizë të mirëfilltë. Ende kemi qëndrime individuale. Atë që unë e them tani është mendim i imi.

Nga momenti kur ne kemi tërheq disa vija të kuqe që me disa parti të caktuara se s’bëjmë koalicion dhe pastaj kemi ardhur në pozitë që me ato parti të bëmë koalicion jemi gjykuar nga elektorati.

Filluam nga koalicioni me PDK-në që ka qenë për votuesit tanë e papritur”.

Ai përmendi edhe Vjosa Osmani e cila la LDK-në dhe krijoi iniciativën Guxo.

“Gjithnjë duke menduar se nëse i thirremi zërit të arsyet, pa marrë parasysh këtyre vendimeve në shpërputhje me vullnetin e votuesve, LDK nuk ka bërë asgjë në dëm të shtetit të Kosovës, por nga votuesi nuk është kuptu kështu.

Pavarësisht punës së mirë të ministrave të LDK-së kronologjia e ngjarjeve dhe acarimi i ngjarjes me Vjosa Osmanin ka ndikuar në përgjysmimin e votës. Ky është mendimi im. Besoj se ky është një mësim i mësuar për të gjithë ne”, tha Quni në T7.