Beyonce feston pesëvjetorin e albumit “Lemonade”

Ylli i pop’it Beyonce u shpreh e lumtur për suksesin e albumit të saj “Lemonade”.

Ajo sot ka festuar 5 vjetorin e këtij albumit, shkruan Indeksonline.

Artistja me anë të një postimi, ajo ka ndarë disa fotografi nga videoklipet e këngëve pjesë të albumit dhe kishte një mesazh për të gjithë.

Ajo u shpreh mirënjohëse që albumi kishte ndikim tek shumë njerëz, ndërsa inkurajon të gjithë të falin, dashurojnë e punojnë për t’u ngritur.

“Jam mirënjohëse që kjo pjesë e punës ka bërë jehonë kaq të thellë te kaq shumë njerëz. Jam shumë mirënjohëse për të gjithë shpirtrat e bukur të përfshirë në krijimin e një prej arteve të mia të preferuara. Ndërsa festoj pesë vjet LEMONADE, i inkurajoj të gjithë të vazhdojnë shërimin, dashurinë, faljen dhe ngritjen.

Shpresoj të gjeni gëzim sot”, ka shkruar Beyonce.