Vitia: Jap dorëheqje nëse del se kam rrezikuar procesin e sigurimit të vaksinave

Ministri i Shëndetësisë, Arben Vitia, ka deklaruar se nuk është e vërtetë që ai ka rrezikuar procesin e vaksinimit duke mos nënshkruar kontratën për sigurim të vaksinave antiCOVID, ashti siç u akuzua në Kuvend nga deputeti i PDK-së Bekim Haxhiu.

Vitia tha në Parlamentin e Kosovës se do të jep dorëheqje nëse del që ai ka rrezikuar këtë proces.

“Të keni edhe pak durim deri sa te mbarojnë disa procese. Unë e dhashë një premtim publik, nëse del që unë nuk kam nënshkruar diçka në këtë proces, mbaj përgjegjësi penale e ligjore, pra ballëhapur po e jap një premtim të tillë para jush”.

“E vërtetë që ka qenë një rritem i ngadalësuar i vaksinimit, por ka qene specifik, me një vaksinë që është përdorë për herë të parë në botë pa një testim paraprak”, tha Vitia.