“Si mund të ju asistoj” – Ermal Krasniqi, asistuesi më i mirë i sezonit në Superligë

Sezoni i Superligës së Kosovës përfundoi dje.

Prishtina u shpall kampione, kurse në vendin e dytë dhe tretë ishin Drita dhe Ballkani, transmeton Indeksonline.

 Golashënuesi më i mirë këtë sezon ishte Mirlind Daku i Ballkanit me 31 gola.

Listës së asistuesve i prin futbollisti i Ballkanit, Ermal Krasniqi. Ai ka arritur të bëj gjithsej 8 asistime këtë sezon.

Pas tij renditet futbollisti i Prishtinës, Endrit Krasniqi me gjithsej 7 asistime.

Ermal Krasniqi ishte ndër futbollistët më të dalluar këtë sezon. Ai ishte në formë tejet të mirë. Përveç asistimeve, ai arriti të shënoj 7 gola.

Ekipi i Ballkanit edhe pse pati në radhët e veta golashënuesin dhe asistuesin më të mirë të sezonit, përfundoi në pozitën e tretë./Indeksonline/