Edhe pse i kishte të shkruara, De Gea dështoi të priste penallti të futbollistëve nga ‘Nëndetësja e Verdhë’

David de Gea mund të cilësohet si fajtori kryesor për humbjen e penalltive në finalen e Ligës së Evropës të Manchester United ndaj Villarrealit?

Djajtë e Kuq humbën mundësinë për të fituar trofeun e dytë më të vlefshëm për klube europiane, pasi u mposhten në finale nga “Nëndetësja e Verdhë”.

Loja e rregullt u mbyll me rezultat 1-1, ashtu sikurse edhe dy vazhdimet nga 15 minuta, ndërsa fituesi u përcaktua vetëm nga trileri i penalltive.

De Gea's ?? notes for the penalty shootout. [@angelomangiante] #MUFC #UEL pic.twitter.com/mdzMCBtTwz

— RouteOneFootball (@Route1futbol) May 27, 2021

21 penallti radhazi u shënuan nga të dyja skuadrat, ndërsa vetëm e 22-ta u humb nga portieri De Gea dhe Villarreali u shpall në fund fitues.

Portieri spanjoll nuk arriti të mbrojë asnjë nga 11 penalltitë e Villarrealit – përfshirë një nga portieri tjetër Geronimo Rulli, ndërsa më pas humbi goditjen e tij për të dhënë fitoren e skuadrës së Unai Emery.

Dështimet e De Geas nuk ishin për shkak të mungesës së kërkimit. Kjo pasi shënimet e tij mbi penalltitë e Villarrealit u zbuluan nga gazetari Angelo Mangiante pas ndeshjes.

De Gea kishte shënime për secilin lojtarë kundërshtar, por dështoi të pres ndonjëherë nga goditjet dhe tashmë ka përfunduar në shenjën e kritikave nga i gjithë spektri futbollistik/IndeksOnline/