Cilat janë tri objektivat që e stabilizojnë Ballkanin Perëndimor, sipas Kurtit?

Kryeministri i Kosovës, Albin Kurti, edhe një herë e ka kundërshtuar fuqishëm idenë e Mini-Shengenit Ballkanik.

Ai, në “Forumin e Prespës” tha se në vend se të shtyhen përpara ide të këqija, siç e cilëson ai, si kjo iniciativë duhet të demokratizohen vendet e Ballkanit Perëndimor.

Madje, ai në këtë forum ku ishin krejt liderët e gjashtëshes së Ballkanit Perëndimor paraqiti tri objektiva të cilat, sipas tij, do ta stabilizonin këtë rajon.

“Për ta ripërtërirë aleancën tonë transatlantike unë sugjerova sinkronizimin e Washingtonit dhe Brukselit në Ballkanin Perëndimor, derisa ne punojmë në tri objektiva: 1. Demokratizimi përmes forcimit të sundimit të ligjit 2. Siguria përmes anëtarësimit në NATO 3. Uniteti i Europës përmes anëtarësimit të Ballkanit Perëndimor në Bashkimin Europian”, ka shkruar ai në Twitter.

At the #PrespaForumDialogue I said Kosova understands the frustration of 🇦🇱&🇲🇰 on accession talks. But we cannot turn our backs on the #EU because it is our future home as Europeans. Instead of pushing bad ideas such as the Mini-Schengen, we need to democratize our countries. pic.twitter.com/nUuJ3FYnjc

— Albin Kurti (@albinkurti) July 2, 2021