Mosmarrëveshja rreth kullotjes së bagëtisë, kërkohet paraburgim për personin që theri djalin e axhës

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit,  M.M.,  për shkak të dyshimit se ka kryer veprën penale “Lëndim i rëndë trupor”.

Prokuroria njofton se, rasti ka ndodhur më 22 shtator 2021, në fshatin Rogovë, Komuna e Gjakovës, ku pas mosmarrëveshjeve paraprake që kishin mes vete, i pandehuri merr një thikë, shkon në shtëpinë e të dëmtuarit F.M., dhe pas konfliktit verbal e fizik, i pandehuri e godet të dëmtuarin me thikë në anën e djathtë të brinjëve, duke i shkaktuar kështu lëndime të rënda trupore.

I njëjti me urdhër të prokurorit gjenden në ndalim nga data 22 shtator 2021.