Emërohet drejtoresha për Kulturë, Rini e Sport në Komunën e Mitrovicës

Valdete Idrizi do të jetë udhëheqësja e Drejtorisë Komunale për Kulturë, Rini e Sport në qytetin e Mitrovicës.

Lajmin e ka konfirmuar vetë Idrizi, duke thënë se së bashku me kryetarin Bedri Hamza, do të mundohen të realizojnë planin qeverisës për katër vitet e ardhshme.

Ky është njoftimi i saj:

Miq,

Viti i ri për mua do të filloj me me një përgjegjësi të re. Unë do të jem pjesë e qeverisjes së ardhshme komunale në Mitrovicë. Do ta udhëheqë Drejtorinë për Kulturë, Rini e Sport në komunën e Mitrovicës.

Përveç që ështė përgjegjësi, për mua eshte edhe nderë dhe kënaqësi që të jem në ekip të kryetarit Bedri Hamza, bashkë me kolegët dhe koleget tjera të kabinetit.

Jam e vetëdijshme që na pret shumë punë, por me vullnet, përkushtim e bashkëpunim arrihen të gjitha. Ndryshe nuk bën. Bashkë, në katër vitet e ardhshme do të realizojmë programin qeverisës të cilin e kemi paraqitur pranë jush. Bashkë për qytetin tonë, qytetin e rinisë, qytetin e kulturës dhe të kampionëve.

Falemnderit kryetarit Bedri Hamza për besimin, falemnderit të gjithëve për përkrahjen. E mirëpres bashkëpunimin me secilin prej jush.

Na priftë e mbara!

Me shumë respekt e dashuri ju uroj festat e fundvitit!

Idrizi, që nga viti 2017, ka qenë drejtoreshë e organizates CiviKos, ndërkaq është edhe themeluese e OJQ-së Community-Building Mitrovica.